«مقام تاجیک»: اعطای ۳ هزار پاسپورت به اعضای گروه‌های تروریستی در افغانستان

به گزارش مجله خبری نگار، «رمضان رحیم زاده» وزیر کشور تاجیکستان گفت: طالبان به بیش از ۳ هزار نفر از اعضای گروه‌های تروریستی پاسپورت افغانستانی داده‌اند.

وزیر کشور تاجیکستان در نشست «همکاری بین‌المللی و منطقه‌ای امنیت و مدیریت مرز‌ها برای مقابله با تروریسم» در شهر «دوشنبه» گفت: طالبان تاکنون به بیش از ۳ هزار نفر از «اعضای گروه‌های تروریستی» پاسپورت افغانستان ارائه کرده‌اند.

رحیم‌زاده خطاب به شرکت کنندگان این نشست تاکید کرده است: این وضعیت یک‌بار دیگر خطر رژیم طالبان را تایید می‌کند و مشکلات افغانستان باید در کانون توجه همه باشد.

سخنان وزیر کشور تاجیکستان در حالی است که رئیس جمهور این کشور نیز در این نشست به تقویت حضور گروه‌های تروریستی در افغانستان اشاره و به کشور‌های منطقه و سازمان‌های بین‌المللی در این زمینه هشدار داده بود.

«امامعلی رحمان» رئیس جمهور تاجیکستان نیز عنوان کرد: افراط‌گرایی و تروریسم هیچ ربطی به ملت، دین، مذهب و تابعیت ندارد؛ بنابراین راه درست مبارزه موثر با این پدیده همکاری صادقانه کشورها، سازمان‌های منطقه‌ای و بین المللی و جامعه جهانی می‌باشد.