موج جدید اخراج پناهجویان افغان در تاجیکستان؛ ضرب‌الاجل ۱۵ روزه برای خروج

مقامات تاجیکستان با صدور اخطاریه‌ای به صد‌ها پناهجوی افغان ساکن در حومه دوشنبه، به آنان ۱۵ روز فرصت داده‌اند تا این کشور را ترک کنند، در غیر این صورت به صورت اجباری اخراج خواهند شد. منابع محلی از یورش نیرو‌های امنیتی به محل سکونت پناهندگان و بازداشت ده‌ها نفر از جمله زنان و کودکان خبر می‌دهند.

به گزارش مجله خبری نگار، گزارش‌ها حاکی از آغاز موج جدید بازداشت و اخراج پناهجویان افغان در مناطق نزدیک به پایتخت تاجیکستان است.

بر اساس اخبار منتشر شده، ده‌ها نفر از اتباع افغانستان شامل مردان، زنان و کودکان از محل سکونت خود در ناحیه «رودکی» و شهر «وحدت» واقع در ۳۰ کیلومتری دوشنبه منتقل شده‌اند.

مقامات تاجیک به صد‌ها پناهجوی افغان هشدار داده‌اند که در صورت عدم ترک این کشور طی ۱۵ روز آینده، به صورت اجباری اخراج خواهند شد. گزارش‌های محلی از ورود خودرو‌های نظامی تاجیکستان به محل سکونت پناهجویان و انتقال ده‌ها نفر از آنان حکایت دارد.

پناهجویان افغانستانی اعلام کرده‌اند که نیرو‌های پلیس مدارک شناسایی آنان را ضبط کرده و تاریخ مشخصی برای ترک کشور تعیین نموده‌اند. شهر وحدت که در ۲۰ کیلومتری شرق دوشنبه قرار دارد، تنها منطقه‌ای است که دولت تاجیکستان به پناهجویان افغان اجازه اقامت داده بود. این شهر به مرکز تجمع صد‌ها پناهجوی افغان تبدیل شده که تحت نظارت شدید امنیتی و محدودیت‌های رفت‌وآمد قرار دارند.

بر اساس آمار کمیساریای عالی سازمان ملل در امور پناهندگان، تا پایان سال ۲۰۲۴ حدود ۹۹۰۰ پناهجوی افغان در تاجیکستان ثبت‌نام کرده بودند، هرچند برخی تخمین‌ها شمار واقعی آنان را تا ۱۳ هزار نفر نیز برآورد می‌کنند. روند اخراج‌های اجباری پناهجویان افغان در ماه‌های اخیر افزایش یافته است، اما به دلیل محدودیت‌های رسانه‌ای در تاجیکستان، این رویداد‌ها کمتر در رسانه‌ها انعکاس می‌یابد.

کمیته پناهندگان افغان در تاجیکستان این ضرب‌الاجل را رد کرده است. این در حالی است که هزاران افغان پس از تحولات سال ۱۴۰۰ به کشور‌های همسایه از جمله تاجیکستان پناه برده بودند.

منبع: yjc

لینک کپی شد

منبع: yjc

اشتراک‌ گذاری